Asociación de Moaña

Arquivo para a categoría ‘Cachisa’

Arte na Illa 2010


O 16 de maio do 2010 celebrouse na Illa de Samertolameu unha feira adicada á arte tradicional. A feira comezou pola mañá donde a Asociación “ A Ghudalla”  ás 12:00 organizou un obradoiro de papel reciclado donde os rapaces e rapazas alí presentes poideron ver e participar na tradicional tarea de fabricar papel a partir de papel xa usado. Os nenos despois de ver como se facía o mesmo con poucos utensilios, poideron colorear e levar para casa a súa propia creación. Ademáis a Asociación “A Ghudalla” pola tarde organizou un campionato de Cachisa no cal a participación era libre e gratuíta, neste campionato saiu campión David, socio da asociación. Os premios entregáronse na Illa ó remate do xogo.

A feira tivo montados distintos postos tanto de comida tradicional como de arte tradicional no que “A Ghudalla “ aportou un posto de bebidas para satisfacer a demanda neste sector. Despois de todo un día de arte donde se poideron ver entre outras cousas unha exhibición de capoeira cada un dos feirantes recolleron os seus bártulos para voltar o ano seguinte nunca nova edición.

III xornada da LNB


Cunca do Rei Xíbaro 2009


A Cunca do Rei Xíbaro é o colofón final á tempada na LNB Conferencia Sur. Trátase dun torneo eliminatorio por equipos. No ano 2009, a organización deste torneo recaeu na Ghudalla, disputándose o mesmo no Keniata de Meira.

Enfrontáronse 8 equipos: Paquete Pinchas, Se foras traballar, Faísca, Assambléia Aberta + Moaña, A Ghudalla, Treze Catorze, Lideiras e Culombio.

Tras uns cuartos de final e unhas semifinais moi disputados, o noso equipo plantouse na finalísima contra Culombio, perdendo na mesma por un só punto. Nesta crónica da web da LNB Sur móstranse os detalles desa final:

A gran final: igualdade ata o último golpe

A Ghudalla 8 – Culombio 9

Foi unha gran final, na que polos de A Ghudalla destacou a seguridade de Arosa, David e Panzo, mentres que Jacobo, Manuel e Barreiro tiveron máis problemas nas súas carreiras.

En Culombio, ao longo da tarde xogaron cunha extraordinaria regularidade Santi, Fátima e Esme, que gañaron puntos decisivos. Moi comezou ben, pero foi desinflándose a medida que avanzaba o torneo. O contrario que lle ocorreu a Jota, que empezou frouxo e acabou sendo o gran protagonista da vitoria na final. O máis regular do torneo, o MVP da Cunca Xíbara foi Pablo, que en toda a tarde conseguiu gañar 6 carreiras, empatar 2 e perder tan só 1.” (Extracto da crónica da web da LNB Sur)

Polo tanto, Culombio apuntouse a victoria na 1ª Cunca do Rei Xíbaro, quedando os nósos nun meritorio 2º posto.

HPIM1151

Para máis información sobre este torneo: http://lnbsur.wordpress.com/2009/06/

Arte na Illa 2009


A Ghudalla “naceu” nun torneo de billarda. Así que ese é un tema que nos gusta e co que nos sentimos cómodos. Así pois, con motivo da celebración das Letras Galegas, a asociación Meiramar-Axóuxeres de Meira celebra un evento de artesanía tradicional no entorno da illa de Samertolaméu chamado “Arte na illa”. E dentro do programa dese evento incluíuse un pequeno aberto de billarda, que sería levado a cabo por A Ghudalla.

Dito e feito. O único problema radicou na data, que tivo que ser dúas semanas despois do día das Letras Galegas por mor do mal tempo. Polo demais, a pesar de que o campo do que dispuxemos era bastante precario para xogar á cachiza, moitos curiosos achegáronse ata alí, ben para probar a xogar ou ben para observar as evolucións do torneo.

Non se pode dicir que foi un torneo de participación masiva, posto que coincidiu co play-off final da LNB, pero o feito de ver aos mozos competir con vellos que xogaran xa na súa infancia foi o que lle deu un toque especial a este torneo.

Así pois, os tres primeiros clasificados levaron unha peza de artesanía galega como recordo dun torneo que se espera que se leve a cabo cada ano da man de A Ghudalla e Meiramar-Axóuxeres.

 
P1050556

Romaría Das Remeirás


En maio do 2009 con motivo da celebración da Romaría Das Remeirás, que se celebra todo-los anos en A Meixoada, a Asociación “A Ghudalla” organizou un campionato de Cachisa. Éste foi celebrado pola tarde, a partir das 17:00 horas e tivo gran participación, tanto por membros da propia asociación como por xentes que se achegaron para probar sorte. O premio para o campión/a foron uns coellos, facilitados pola organización da romaría.

O torneo saldouse coa victoria de Maria, socia de “A Ghudalla”, que se mediu na final contra Ruba, participante novato neste xogo; pero que demostrou ter un gran golpe. O remate do mesmo os participantes da xornada deportiva quedaron na romaría a disfrutar do bo viño e da actuación de grupos folclóricos do Morrazo.

Nube de etiquetas