Os grupos dos que poderedes disfrutar serán THEE BLIND CROWS e  OS PODRIDOS.

Que viva o entroidooooooo!!!!!!!

O próximo sábado día 10 a asociación A     Ghudalla organizará en Moaña a 4ª xornada da LNB Conferencia Sur.

O igual que o ano pasado terá lugar no pavillón de Domaio. A inscripción será ás 16:00 para comezar ás 16:30.

A inscripción é aberta, é dicir, non fai falla estar en ningún grupo da liga nin haber xogado anteriormente para poder participar, así que… todo aquel que se anime que se achegue a Domaio este sábado.

Un saudo.

Un ano máis a asociación A Ghudalla organiza, polas festas de San Martiño, o San Resaquiño na casa da cultura de Abelendo, este ano o día elixido será o sábado 12 de novembro.

Volveremos contar coa participación da Treboada do Ghato que por terceiro ano consecutivo se achegarán a Moaña para encher as nosas rúas co son dos seus incribles bombos, que semellan, como ben o seu nome indica, o son dunha treboada. Sairán da casa da cultura ás 20:00 e despois de recorrer a parroquia voltarán alí para rematar a súa actuación e dar comezo ós concertos ás 21:30.

Os grupos cos que contaremos este ano serán:

• Samu a “Caraperro” -> é membro do grupo punk “Mala Ratxa” (Marín, Santomé) e nos sorprende en solitario coa súa guitarra electroacústica cunha serie de cancións sobre os colegas, a vida no seu pobo, etc. cunha denotada raíz punk. Estará con nós para amenizarnos o cambio entre os demais grupos, polo que poderedes disfrutar do seu espectáculo o longo da noite.
• Thee Blind Crows -> grupo pontevedrés que mestura blues, garage e punk de moita calidade sendo só dous compoñentes, guitarra e batería.
• Ocekaos -> grupo de Moaña de hip-hop que pese a levar pouco tempo xa están triunfando co seu estilo tan propio.
• Falperry´s -> este grupo os que acudistes o ano pasado xa o coñeceredes. Para os que non, dicirvos que fan unha mestura entre folk-mugre-punk ainda que eles mesmos definen a súa música como tabernaria. Ainda que so teñen unha maqueta os seus membros levan xa un longo percorrido con grupos como Skacha, Motor Perkins ou  Extremidades Pelijrosas.

Aquí vos deixo un mapa para quen non sepa chegar, o lugar indicado en verde é a casa da cultura de Abelendo, se queredes que vos indique o camiño só tedes que premer no mapa e levaravos a google maps.

Por suposto a entrada é de balde!!!!  Contamos con vos!!!

A saída será ás 11:00 da mañá no mirador de Donón (no caracol).
O percorrido será o seguinte:
- baixada ás furnas.
- baixada polo río de Donón ata a praia de Barra. (Levar algo para comer xa que pararemos polo camiño ou o chegar, según a hora.)
- volta a Donón
- subida o Facho.
Intentaremos estar no Facho coincidindo coa posta de sol para aproveitar a agradable vista dende o lugar.
O roteiro está plantexado para facer dun modo moi suave, en plan paseo.
Traede roupa axeita para a ocasión.

O 13 de novembro, con motivo das festas de San Martiño a asociación A Ghudalla organizará por segundo ano consecutivo o San Resaquiño.

Os concertos volverán realizarse na casa da cultura de Abelendo en Moaña.

Ás 21:00 dará comezo a inauguración oficial de San Resaquiño coa incrible treboada do Ghato, partindo da casa da cultura e facendo pasarrúas cos bombos polo barrio.
22:00 Cé Orquestra Pantasma abrirá a xornada de concertos na casa da cultura. Este é un magnifico home orquestra que toca variedade de temas populares e non tan populares, para tódolos públicos. Un espectáculo que non vos podedes perder.
A seguir Estado Puro , consolidado grupo Pop Rock de Moaña irá quentando os motores un pouquiño máis.

E para rematar Falperry´s, eles defínense como música taberneira, un grupo que de seguro dará que falar. Con compoñentes de Skacha e Motor Perkins esta nova banda sorprenderanos.

Sorpresas: as sorpresas non se contan,  senón non serían tal.

Esperamos vervos alí!!!!!!!!!!!!

O próximo 31 de outubro de 2010 a asociación A Ghudalla fará unha nova edición da festa de Samain, esta vez o evento vaise desenvolver na casa da cultura de Abelendo. Un ano máis xuntarémonos esa noite para convidar os nosos ancestros a vivila con nós e participar da nosa festa.

As actividades comezarán pola tarde cun obradoiro de cabazas, no que poderán participar todos aqueles que se acheguen a casa da cultura de Abelendo sobre as 18:00. É necesario que cada un traia a súa cabaza para decorala.

A partir das 19:30 a Lonxa Literaria estará alí para deleitarnos con historias, mitos e demais lendas relacionadas coa temática do día. Todo aquel que coñeza historias de este tipo e lle apeteza compartilas cos demais estaremos encantados de recibilos.

Sobre as 22:00 comeza a festa nocturna, chourizada, queimada, música e disfraces.

FESTA!!!!!!!!

87 palanadores se presentaron  divididos en 11 equipos. O pavillón de Domaio acabou sendo una pista rápida na que se lograron multitude de varados, 16 en total.

O campión do torneo foi Chiwi, dos Treze Catorze, vencendo a Chupi, de Paquete Pinchas, na gran final. Por equipos os gañadores foros os palanadores de Lideiras-Currichos, que lograron entre todos eles 20 puntos en total.

Pola nosa asociación participaron 9 palanadores. Barreiro, Chuki, María, Arosa e Cara non deron pasado da fase de grupos. Manu e David caían en 16avos, Jaco de Panzo en oitavos e Rubio en cuartos de final ante o que ao final sería o gañador, Chiwi.

As últimas roldas do torneo estiveron amenizadas por un grupo de gaitas e percusión. Percusión cos caldeiros do lixo, claro. Deron se cabe máis emoción ás semifinais e á final. Moita troula e moito baile nun aberto ameno, no que a diversión non faltou en ningún momento da tarde.

A Liga Nacional de Billarda chega a Moaña na súa 2ª xornada, organizada esta vez pola nosa asociación.

O acontecemento terá lugar o próximo día 2 de outubro na explanada detrás da Praza de Abastos de Moaña (onde xa se disputou hai 2 anos). A inscrición estará aberta ata as 16 horas, comezando o torneo ás 17:00h. En caso de que chova, trasládase o evento ó pavillón de deportes de Domaio.

Máis info: http://lnbsur.wordpress.com/calendario/

Gran afluencia de participantes na Iº Visita Arqueolóxia  Nocturna de observación de Petroglifos, organizado por Betilo e a nosa asociación.

Nesta xornada guiada polo historiador e arqueólogo Xandre  Paz Camaño, as preto de 40 persoas que se animaron a subir ata Meira  gozaron dun bonito paseo nocturno a luz das lanternas.

Iso de ver petroglifos de noite creaba unha certa desconfianza do público a que non se vesen os gravados na pedra. Pese a parecer unha noite moi romántica e unha idea un pouco rariña, nada mais chegar o primeiro dos gravados todo o mundo quedou moi abraiado e non dubidou en preguntar e participar nesta xornada moi dinámica e con inumerables aportacións e preguntas por parte do público.

A interacción da xente unida o cálido ambiente e as continuas interpretacións do guía propiciaron que fose unha xornada estupenda e con moitos participantes que de seguro repetirían.

Cabe destacar o importante esforzo de Xandre , traballador de Betilo Arqueoloxia e outras cousas e da Xunta de Montes de Meira que axudaron co acondicionamento das zona e os camiños de forma totalmente altruísta.